गोवा: उत्तर आणि दक्षिण गोव्यात येणार्‍या 7 दिवसांसाठी कमकुवत मान्सूनची स्थिती कायम राहील तसेच, या दरम्यान हलका ते मध्यम पाऊस सुरू राहण्याची शक्यता आहे. कमकुवत मान्सूनच्या परिस्थितीत, उत्तर आणि दक्षिण गोव्यात काही ठिकाणी विजांच्या गडगडाटासह पाऊस पडण्याची शक्यता आहे.

(Light to moderate in goa state for the next few days Chance of light rain)

राज्यात मागील काही दिवसांपासून पावसाने विश्रांती घेतली. त्यामुळे काही दिवस उष्माही वाढला होता. मात्र, रविवारी राज्यात मुसळधार पावसाची शक्यता हवामान खात्याच्या गोवा वेधशाळेने वर्तविली होती.

हवामान खात्याने रविवारी राज्यात यलो अलर्ट जारी केला होता. मागील काही दिवसांपासून पावसाने उघडीप दिल्याने गेल्या चार दिवसांत राज्यात अवघा 10 मि.मी.पेक्षाही कमी पाऊस पडला. त्यामुळे महिनाभरानंतर गोवा राज्यात सूर्याचे दर्शन झाले. त्यासोबत काही प्रमाणात तापमानातही वाढ झाली होती.