Lever Transplant Facility In GMC: गोवा वैद्यकीय महाविद्यालयाच्या रुग्णालयात पुढील वर्षापासून यकृत प्रत्यारोपण सुरु होण्याची शक्यता आहे.

सध्या गोमेकॉत गॅस्ट्रोएन्टेरोलॉजी विभाग सुरु करण्याची प्रक्रिया सुरु आहे. येत्या दोन ते तीन महिन्यात विभाग सुरु होईल, अशी माहिती समोर आली आहे.

गोमेकॉत यकृत प्रत्यारोपणासाठी स्वतंत्र विभागाची गरज आहे. सुरु होऊ घातलेल्या गॅस्ट्रोएन्टेरोलॉजी विभागात यकृत प्रत्यारोपण तज्ज्ञ असतील. येत्या 19 डिसेंबरपासून हा विभाग सुरु होण्याची शक्यता आहे, असे वृत्त गोव्यातील एका नामांकित इंग्रजी वृत्तपत्राने दिले आहे.

गोमेकॉत केवळ मूत्रपिंड प्रत्यारोपण करण्याची परवानगी आहे. राज्यात राज्य अवयव आणि पेशी प्रत्यारोपण संस्था स्थापन झाल्यापासून चार वर्षाच्या कालावधीत चारवेळा मूत्रपिंड प्रत्यारोपण केल्याचे वृत्तात म्हटले आहे.