leopard stranded on tall coconut tree at Kuynan Savoi Verem: कुयनान- सावईवेरे येथे उंच नारळाच्या झाडावर बिबट्या अडकून पडला आहे. येथील ग्रामस्थांनी वनखात्याला याबाबत माहिती दिली. वन खात्याचे अधिकारी घटनास्थळी दाखल झाले असून, बिबट्याला खाली उरवण्यासाठी बचावकार्य सुरु झाल्याची माहिती मिळत आहे. दरम्यान, हा बिबटया याठिकाणी पोहोचला कसा याबाबत काही माहिती मिळू शकली नाही.

मिळालेल्या माहितीनुसार, दुपारी बारा वाजता बिबट्या नारळाच्या झाडावर असल्याची माहिती फोंडा येथील वन अधिकाऱ्यांना मिळाली. दरम्यान वन अधिकारी व कर्मचारी घटनास्थळी दाखल झाले. परिस्थितीचा अंदाज घेऊन त्यांनी बचावकार्याला सुरूवात केली.

बिबट्या खूप उंचीवर असल्याने बचावकार्यात अडचण येत आहे. शिवाय त्याला बेशुद्ध करूनच खाली घेतले जाणार आहे. त्यामुळे वन्य वैद्यकीय अधिकारी देखील बचावकार्यात सहभागी झाले आहेत. दरम्यान, बोंडला अभयारण्यातील अधिकारी आणि कर्मचारी देखील घटनास्थळी दाखल होणार आहेत.