पोलिस, न्यायव्यवस्था, तुरुंग आणि कायदेशीर मदत याबाबत भारतातील राज्यांची स्थिती आणि क्रमवारी सांगणारा एक अहवाल नुकताच प्रसिद्ध झाला आहे. यामध्ये देशातील मोठी आणि मध्यम, लहान आणि केंद्र शासित प्रदेश अशी तीन टप्प्यात विभागणी करण्यात आली आहे.

न्याय देण्याबाबत कोणत्या राज्यात का स्थिती आहे याबाबत राज्यांची क्रमवारी या अहवालात देण्यात आलेली आहे.

एकत्रित क्रमवारी, पोलिस, तुरुंग, न्यायव्यवस्था आणि कायदेशीर मदत याबाबत विविध राज्यांची काय आहे स्थिती जाणून घेऊया.

एकत्रित क्रमवारी (पोलिस, तुरुंग, न्यायव्यवस्था आणि कायदेशीर मदत)

मोठ्या राज्यांमध्ये दहापैकी 6.38 गुणांसह कर्नाटक प्रथम क्रमांकावर आहे. तर तामिळनाडू (6.11), तेलंगणा (6.11)), गुजरात (5.60) आणि आंध्रप्रदेश (5.41) त्यानंतर क्रमवारीत स्थान मिळवले आहे. यामध्ये महाराष्ट्राचा (5.16) क्रमांकासह 11 क्रमांक लागतो.

तर, लहान राज्यांमध्ये 5.01 गुणांसह सिक्किम राज्याने पहिला क्रमांक पटकावला आहे. तर, 3.42 गुणांसह गोवा सर्वात शेवटी म्हणजेच सातव्या क्रमांकावर आहे.

पोलिस क्रमवारी

पोलिस क्रमवारीत तेलंगणा 6.92 गुणांसह प्रथम क्रमांकावर आहे. त्याखालोखाल कर्नाटक (6.61), आंध्रप्रदेश (6.22) ही राज्य आहेत. तर लहान राज्यांमध्ये 5.64 गुणांसह सिक्किम प्रथम असून, 3.89 गुणांसह गोवा सहाव्या क्रमांकावर आहे.

तुरूंगाच्या बाबतीत तमिळनाडू 6.24 गुणांसह प्रथम क्रमांकावर आहे तर, उत्तराखंड 2.05 गुणांसह शेवटच्या क्रमांकावर आहे. लहान राज्यात 5.32 गुणांसह अरूणाचलप्रदेश प्रथम तर 2.62 गुणांसह गोवा शेवटी आहे.

न्यायव्यवस्था

न्यायव्यवस्थेत तमिळनाडू 6.96 गुणांसह प्रथम क्रमांकावर आहे. तर, पश्चिम बंगाल 3.46 गुणांसह मोठ्या राज्यांच्या यादीत शेवटी आहे. तर महाराष्ट्र या यादीत 5.16 गुणांसह बाराव्या क्रमांकावर आहे.

लहान राज्यांमध्ये न्यायव्यवस्थेत सिक्किम 6.06 गुणांसह प्रथम क्रमांकावर आहे. तर गोवा 3.03 गुणांसह सातव्या क्रमांकावर आहे.

कायदेशीर मदतीच्या बाबतीत झारखंड हे राज्य 6.31 गुणांसह प्रथम क्रमांकावर आहे तर, उत्तर प्रदेश 3.24 गुणांसह सर्वात शेवटी आहे. लहान राज्यांमध्ये सिक्किम 4.96 गुणांसह प्रथम आहे. तर, गोवा 4.41 गुणांसह दुसऱ्या क्रमांकावर आहे.