मडगाव: रेल्वे स्थानजवळ रक्कबंबाळ अवस्थेतील मृतदेह आज (सोमवार, २६ ऑगस्ट) सकाळी आढळून आला. पोलिसांनी घटनास्थळी दाखल होत माहिती घेतली असता, त्याचा खून झाल्याचा संशय व्यक्त करण्यात आला आहे. दोन मजुरांमध्ये झालेल्या भांडणातून हा प्रकार घडल्याची प्राथमिक माहिती समोर आली आहे.
मिळालेल्या माहितीनुसार, सोमवारी सकाळी मडगाव रेल्वे स्थानकाजवळ एका मजुराचा मृतदेह आढळून आला. स्थानिकांनी घटनेची माहिती मडगाव पोलिसांना दिली पोलिसांनी घटनास्थळी दाखल होऊन पाहणी केली असता मजूर रक्ताच्या थारोळ्यात पडला होता.
मजुराला उपचारासाठी रुग्णालयात दाखल केले असता, मृत घोषित करण्यात आले. दोन मजुरांमध्ये झालेल्या भांडणातून हा प्रकार घडल्याचा संशय व्यक्त केला जात आहे.
खूनाचा संशय (Murder At Margao Railway Station)
दोन मजुरांमध्ये कोणत्यातरी कारणावरुन वाद झाला. वादातून एका मजुराने दुसऱ्यावर चाकू हल्ला करत वार केले. यात जखमी झालेल्या मजुराचा मृत्यू झाला आहे. मृत मजूर आणि संशयित आरोपीची नावे अद्याप समोर आलेली नाहीत. पोलिस सध्या या घटनेचा तपास करत आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.