Morjim News: मोरजी पंचायत क्षेत्रातील मुनांगवाडा या मुख्य रस्त्यावर चालत्‍या कदंब बसखाली उडी घेऊन एका मजुराने आत्महत्या केली. बिन तिरकी (२८, मूळ झारखंड) असे त्‍याचे नाव आहे. यामागील कारण कळू शकले नाही.

मिळालेल्‍या माहितीनुसार, कदंब महामंडळाची प्रवासी बस मांद्रे-मोरजीमार्गे पणजीला जात असता सकाळी सव्वाआठच्या सुमारास मुनांगवाडा या मुख्य रस्त्यावर प्रवाशांना घेण्यासाठी चालकाने बस थांबवली. ही संधी साधून बिन याने बसखाली चिरडून घेऊन आत्महत्या केली. सुरूवातीला लोकांना वाटलं की, हा मजूर गाडीच्या चाकाखाली सापडला आणि अपघात झाला.

परंतु सीसीटीव्ही फुटेजमध्‍ये हा अपघात नसून तो मजूर थेट बसखाली उडी घेताना दिसत आहे. त्‍याच्‍या आत्‍महत्‍येचे नेमके कारण समजू शकले नाही. अधिक तपास सुरू आहे.