पूर्व वैमनस्यातून गुंड विजय कुलाल याला नग्न करून भर रस्त्यात जबर मारहाण केल्याची घटना काही दिवसांपूर्वी घडली होती. कोलवा सर्कलजवळ रात्रीच्या वेळी सहा जणांच्या गटाने दुसऱ्या गटातील कुख्यात गुंड विजय कुलाल याला भररस्त्यात नग्न करून लाथाबुक्यांनी तसेच दांडुके, दगड घेऊन जबर मारहाण केली होती. या प्रकरणी विजय कुलाला याने पोलीस तक्रार केली होती.

या तक्रारीची दखल घेत फातोर्डा पोलिसांनी सहा जणांविरोधात गुन्हा नोंद केला होता. जोझेफ सिक्वेरा, वाल्टर फर्नांडिस व सिमोन फर्नांडीस तिघाजणांचा अटक केली. याप्रकरणी वॉल्टर फर्नांडिस, जोसेफ सिक्वेरा, सायमन साल्ढाणा या संशयितांचा शोध सुरू होता. पसार तिन्ही संशयितांनी न्यायालयात जामिनासाठी अर्ज दाखल केला होता. त्यांचा अर्ज न्यायलयाने फेटाळला होता. 

दरम्यान, जोझेफ सिक्वेरा, वाल्टर फर्नांडिस व सिमोन फर्नांडीस हे तिघेजण आज मंगळवारी फातोर्डा पोलिसांसमोर शरण आले आहेत. या संशयितांना उद्या सकाळी मडगाव न्यायालयासमोर हजर करून रिमांड घेण्यात येणार असल्याची माहिती तपास अधिकारी पोलिस उपनिरीक्षक सर्वेश भंडारी यांनी दिली. फातोर्डा पोलीस पुढील तपास करत आहेत. विजय कुलाल हाही गुन्हेगारी वृत्तीचा असून त्याच्याविरोधात अनेक पोलिस स्थानकांमध्ये गंभीर गुन्हे नोंद आहेत.