Konkan Railway : कोकण रेल्वेमार्गावर मेगा ब्लॉकमळे गाड्यांना विलंब झाला. अनेक गाड्या उशिराने धावल्या. त्यामुळे प्रवाशांना नाहक त्रास सहन करावा लागला. ११ रेल्वेगाड्या विलंबाने धावल्याने प्रवाशांच्या मनस्तापात भर पडली.

नागपूर-मडगाव स्पेशल तब्बल ६ तास, मंगला एक्स्प्रेस २ तास ४८ मिनिटे, तर करमळी-एलटीटी वातानुकुलित सुपरफास्ट स्पेशलही ३ तास ५१ मिनिटे उशिरानेच मार्गस्थ झाली. रेल्वेगाड्यांचे वेळापत्रक विस्कळीत होण्यामागचे नेमके कारण मात्र समजू शकले नाही.

मात्र कोकण मार्गावर सलग २ दिवस झालेल्या मेगाब्लॉकमुळे वेळापत्रकावर परिणाम झाला. ०११३९ क्रमांकाची नागपूर-मडगाव स्पेशल तब्बल ६ तास १९ मिनिटे विलंबानेच धावल्याने प्रवाशांचा खोळंबा झाला.

०९०५७ क्रमांकाची उधना-मंगळूर स्पेशल २ तास ३६ मिनिटे तर १०१०३ क्रमांकाची सीएसएमटी-मडगाव मांडवी एक्स्प्रेस १ तास ५५ मिनिटे उशिराने रवाना झाली.

१०१०५ क्रमांकाची दिवा-सावंतवाडी एक्सप्रेस १ तास ३१ मिनिटे तर १०१०६ क्रमांकाची सावंतवाडी-दिवा पॅसेंजर १ तास ३० मिनिटे उशिराने मार्गस्थ झाली. १२०५२ क्रमांकाची मडगाव- सीएसएमटी जनशताब्दी एक्सप्रेसही ५७ मिनिटे विलंबानेच धावली.

बिघडलेले वेळापत्रक

१२६१८ क्रमांकाची निजामुद्दीन-एर्नाकुलम मंगला एक्सप्रेस २ तास ४८ मिनिटे तर २६२० क्रमांकाची मत्स्यगंधा एक्सप्रेस १ तास उशिराने धावली.

या पाठोपाठ २२११४ क्रमांकाची कोच्युवेली-एलटीटी स्पेशल १ तास तर २२११६ क्रमांकाची करमाळी-एलटीटी वातानुकूलित स्पेशल ३ तास ५१ मिनिटे विलंबाने धावल्याने प्रवाशांना मनस्ताप सहन करावा लागला.

२२११९ क्रमांकाची सीएसएमटी-मडगाव तेजस एक्सप्रेस ४५ मिनिटे, तर २२९०८ क्रमांकाची हापा-मडगाव एक्स्प्रेसही १ तास ९ मिनिटे उशिराने रवाना झाली. बिघडलेल्या वेळापत्रकाचा अनेक प्रवाशांना फटका बसत आहे. संबंधितांनी लक्ष देण्याची प्रवाशांची मागणी आहे.