माजोर्डा-कासावली दरम्यानच्या दुपदरीकरणाचे काम पूर्ण झाले असून, पूर्ण झालेल्या या मार्गावर दहा जून रोजी गती चाचणी घेण्यात आली. या काळात कोकण मार्गावरील अनेक ट्रेन वाहतुकीला फटका बसला. कोकण रेल्वे मार्गावरील अनेक ट्रेन्स विलंबाने धावल्या.
दक्षिण गोव्यातील रेल्वे मार्गावर दुपदरी करणाच्या कामामुळे रविवारपासून कोकण रेल्वे मार्गावरील वाहतुकीला फटका बसला. जवळपास सर्वच ट्रेन्स रविवारपासून सुमारे तीन तास उशीराने धावल्या.
माजोर्डा-कासावली दरम्यानच्या गती चाचणीमुळे ट्रेन्स उशीराने धावल्याची माहिती, कोकण रेल्वे कॉर्पोरेशन लिमिटेड (KRCL) चे उपमहाव्यवस्थापक बबन घाटगे यांनी पीटीआयला दिली.
माजोर्डा ते कासावली हे साडेचार किलो मीटर अंतर आहे. हे काम वास्को ते तिनईघाट दुपदरीकरण योजनेअंतर्गत पूर्ण करण्यात आले आहे.
कोकण रेल्वेने दहा तारखेची सेंट्रेल मुंबई ते मडगाव जंक्शन धावणारी जन्मशताब्दी एक्सप्रेस आणि मांडवी एक्सप्रेस चार ते पाच तास उशीराने धावल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.