Goa Cricket Association Group A Cricket Tournament: खोर्ली इलेव्हनने गोवा क्रिकेट असोसिएशनच्या (जीसीए) अ गट क्रिकेट स्पर्धेत राज्यस्तरीय विजेतेपद पटकावले. अंतिम सामन्यात त्यांनी आर्ले स्पोर्टस क्लबला 123 धावांनी सहज हरवले. लढत मंगळवारी पर्वरी येथील जीसीए अकादमी मैदानावर झाली.

दरम्यान, खोर्ली इलेव्हनने प्रथम फलंदाजी करताना निर्धारित 45 षटकांत 7 बाद 332 धावा केल्या. उत्तरादाखल आर्ले क्लबचा डाव 38.1 षटकांत 209 धावांत संपुष्टात आला. खोर्ली इलेव्हनच्या अमित यादव (नाबाद 79 धावा, 41 चेंडू, 5 चौकार, 6 षटकार), व्हिजन पांचाळ (69 धावा, 48 चेंडू, 3 चौकार व 7 षटकार) व अंकित दाबास (56 धावा, 40 चेंडू, 5 चौकार, 2 षटकार) यांनी आक्रमक अर्धशतके नोंदवली.

संक्षिप्त धावफलक: खोर्ली इलेव्हन: 45 षटकांत 7 बाद 332 (आविष्कार मोने 30, राहुल केणी 35, व्हिजन पांचाळ 69, वैभव नाईक 20, अंकित दाबास 56, अमित यादव नाबाद 79, विनायक कुंटे 2-58, अंगदराज 2-57) वि. आर्ले स्पोर्टस क्लब: 38.1 षटकांत सर्वबाद 209 (वैभव माळी 36, अंगदराज 37, संकेत मोरजकर 69, व्हिजन पांचाळ 2-51, आविष्कार मोने 2-34, अभिनंदन ठाकूर 3-24, शुभम झा 2-15).