फोंडा: काले येथील जंगलात खैरीच्या झाडांची कत्तल करून तस्करी करताना साखळी येथील तिघांना रिक्षा व दुचाकीसह अटक करण्‍यात आली.

वन खात्याचे अधिकारी रवी शिरोडकर यांनी दिलेल्या माहितीनुसार, काले भागात कुळे व सांगे वन खात्याचे कर्मचारी गस्‍तीवर रात्री २ वाजता त्‍यांनी ही कारवाई केली. अन्य दोघे पळून जाण्यास यशस्वी ठरले.

अटक केलेल्या संशयितांची नावे हसन शेख, सूरज भोसले व भिरू पटकारे अशी आहेत. त्‍यांनी दिलेल्‍या माहितीनुसार मालक सैफ व एक कामगार पळून गेला. पोलिस त्‍यांच्‍या मागावर आहेत. या प्रकरणाचा रीतसर पंचनामा करण्‍यात आला असून, पुढील तपास सुरू असल्‍याचे शिरोडकर यांनी सांगितले.