Kamakshi Udapnov Murder Case: कळंगुटमधील बुटीकमध्ये सेल्स गर्ल म्हणून काम करणाऱ्या कामाक्षी उड्डापनोव या तरुणीचा तिच्या प्रियकराने खून केल्याची घटना सप्टेंबरमध्ये उघडकीस आली होती.

संशयित आरोपींविरोधात पर्वरी पोलिसांनी आरोपपत्र दाखल केले आहे. याप्रकरणी 51 साक्षीदारांची साक्ष नोंदवण्यात आली आहे.

संशयित फकीर उर्फ प्रकाश चुंचवाड आणि निरुपदी कडाकक्ल यांच्याविरुद्ध 51 साक्षीदारांच्या साक्षीसह 600 पानी आरोपत्र म्हापसा न्यायालयासमोर सादर केले आहे.

कामाक्षीच्या प्रियकराने 30 ऑगस्ट रोजी सकाळी नऊच्या सुमारास कामाक्षीचा तिच्याच फ्लॅटवर जाऊन खून केला. त्यानंतर मृतदेह आंबोली घाटातील घनदाट जंगलात फेकला. कामाक्षीच्या भावाने पर्वरी पोलीस स्थानकात कामाक्षीचे अपहरण तसेच ती बेपत्ता झाल्याची तक्रार दिली.

पाच तासांच्या शोधमोहीमेनंतर सावंतवाडी पोलीस व पर्वरी पोलिसांनी मृतदेह बाहेर काढला होता.