Kadamba Transport Corporation राज्यात आधीच टॅक्सी सेवेत गोवा माईल्स, टुरिस्ट टॅक्सी, काळी-पिवळी टॅक्सी, यासारख्या संघटना टॅक्सीसेवा देत आहेत.

सरकारच्या ‘म्हजी बस’ या योजनेअंतर्गत कदंब वाहतूक महामंडळाने राज्यातील काही निवडक मार्गांवर खासगी बस भाड्याने घेण्यासाठी अर्ज मागविल्यानंतर आता पाच वर्षांच्या कालावधीसाठी मासिक आधारावर टॅक्सी भाड्याने घेण्यासाठी टॅक्सी ऑपरेटर्सकडून अर्ज मागवले आहेत.

त्यासंदर्भात कदंब महामंडळाने नोंदणीकृत व अनुभवी टॅक्सी ऑपरेटर्सकडून त्यांचे दरपत्रकही मागवले आहे. कदंब महामंडळाने वातानुकुलित व बिगर वातानुकुलित टॅक्सी ऑपरेटर्सना आवाहन केले आहे.

लक्झरी कार, नॉन एसी वाहनांचा समावेश

टॅक्सीमालकांनी कदंब करार केल्यास किमान पाच वर्षे टॅक्सी भाडेपट्टीवर द्यावी लागेल. त्यानंतर एक एक वर्ष मुदत वाढवण्याची सोय ठेवण्यात आली आहे.

मासिक भाडेपट्टीवर घेण्यात येणाऱ्या टॅक्सीमध्ये एसी सेडान, एसी हॅचबॅक, एसी एमयूव्हीएस, एसी एसयूव्हीएस, लक्झरी कार, नॉन एसी वाहने, जीप इत्यादी वाहनांचा समावेश असेल.