वाळपई:  वाळपई (walpai) येथे हातवाडा जंक्शनजवळ आज सकाळी सव्वानऊच्या सुमारास चालत्या कदंबा (Kadamba Bus) बसला शाँर्ट सर्किटमुळे (Short Circuit) आग लागून नुकसानी झाली आहे. मिळालेल्या माहीतीनूसार झर्मे ते वाळपई पणजी अशी प्रवास करणारी ही कदंबा बस होती. कदंबा बस क्रमांक जी. ए. 03 एक्स 0246 ही गाडी रोजच्या वेळेनूसार वाळपई येथून पणजीत जाण्यासाठी निघाली होती. (Kadamba bus in Walpai caught fire due to short circuit)

वाळपई मुख्य बाजारातून निघाल्यावर सुमारे एक दीड किलोमीटर अंतरावर वाळपई सरकारी आरोग्य केंद्र ते हातवाडा जंक्शन या भागात पोहचताच वाहनाच्या समोरील भागातून अचानक धूर येऊ लागला. धूर येत असल्याचे पाहून कदंबा चालकाने तत्काळ वाहन थांबविले. काहीवेळातच गाडीच्या केबीनच्या दर्शनी भागातून आगीने पेट घेतला. यावेळी प्रवाशांना तातडीने खाली उतरविण्यात आले. (goa) 

मानगाळमध्ये कदंब बस सेवेचे उद्‌घाटन

आग लागल्याची माहीती वाळपई अग्निशमनला दिल्यावर दलाचे जवान तातडीने घटनास्थळी फायर वाहनासहीत दाखल झाले. ए.टी. गावस, गौरेश गावस, साईनाथ सावंत, चालक अमोल नाईक आदींनी मदत कार्य केले. व पाण्याच्या फवाराने आग आटोक्यात आणली. चालकाने वेळीच प्रसंगावधान दाखविल्याने मोठी दुर्घटना टळली आहे. या आगीच्या घटनेत कदंबाचे केबीनच्या भागाचे नुकसान झाले आहे.