काणकोण : सार्वजनिक बांधकाम मंत्री निलेश काब्राल मडगाव-काणकोण रस्त्यावर खड्डे नसल्याचे धांदात खोटे बोलून काणकोण वासीयांची थट्टा उडवीत आहेत, आसा आरोप कॉंग्रेस पक्षाचे सरचिटणीस जनार्दन भंडारी यांनी केला आहे. हल्लीच मडगाव ते काणकोण पर्यतच्या हमरस्त्याची सार्वजनिक मंत्र्यांनी अभियंत्यासमवेत पहाणी केली. सार्वजनिक बांधकाम मंत्री मडगाव (Margao)-काणकोण रस्त्यावर खड्डे नसल्याचे धांदात खोटे बोलून काणकोण वासीयांची थट्टा उडवीत आहेत.

मात्र पहाणी करूनही ते सत्य लपवून काणकोण वासियांना महामार्गावर खड्डे पडले नसून फक्त डांबराचा थर गेला असल्याचे वक्तव्य करून काणकोण वासीयांच्या दुखावर डागण्या देत असल्याचे भंडारी यांनी सांगितले. त्यासाठी आज खास टीम सहीत महामार्गावर पडलेल्या खड्ड्याचे व्हिडिओ (Video) व फोटो काढले आहेत. ते सार्वजनिक बांधकाम खात्याच्या मंत्र्यांना देऊन त्यांनी किती सत्य व किती असत्य वक्तव्य केले याचा पुरावा निलेश काब्राल (Nilesh Cabral) यांना देण्यात येणार असल्याचे भंडारी यांनी सांगितले. गेले वर्षभर काणकोण (Canacona) वासीयांनी या खड्डे पडलेल्या रस्त्यावरून प्रवास करून वाहना बरोबरच आपल्या शरिराला इजा करून घेतली आहे आणि सार्वजनिक बांधकाम खात्याच्या मंत्र्यांनी असे वक्तव्य करणे लोकप्रतिनिधींना शोभत नसल्याचे त्यांचे म्हणणे आहे.