Lok Sabha Election: निवडणूक आयोगाने येत्या लोकसभा निवडणुकीत ईव्हीएमचा वापर करू नये. त्याऐवजी मतपत्रिकाच द्याव्यात, अशी मागणी म्हापशाील सभेत करण्यात आली. या सभेला सर्वोच्च न्यायालयाचे वरिष्ठ वकील अ‍ॅड. भानूप्रताप सिंग तसेच अभियंते डी. सी. कपिल व्यासपीठावर हजर होते.

सभेस सुमारे दोनशे लोकांची उपस्थिती होती. इव्हीएमच्या विश्वासार्हतेवर गंभीर प्रश्न उपस्थित करीत अ‍ॅड. भानूप्रताप सिंग म्हणाले की, लोकशाही वाचवायची असल्यास निवडणूक आयोगाने आगामी लोकसभा निवडणुका मतपत्रिकेचा वापर करूनच घ्यावी. सद्यस्थितीत भारतीय निवडणूक आयोग की मोदी आयोग अशीही टीका त्यांनी केली.

डी. सी. कपिल म्हणाले की, आमचा कुठल्याही पक्षाला किंवा नेत्याला विरोध नाही, परंतु आमचा एकच अजेंडा आहे की निवडणुका मतपत्रिकांद्वारेच घ्याव्यात.

5 रोजी करणार पोलिसांत तक्रार

येत्या 5 फेब्रुवारी रोजी आम्ही निवडणूक आयोग तसेच देशातील सर्व जिल्हाधिकाऱ्यांच्या विरोधात पोलिस तक्रार दाखल करणार आहोत, असे अ‍ॅड. भानूप्रताप सिंग यांनी सांगितले.