Yoga Day 2024 :

पणजी, विविध उपक्रम राबवणाऱ्या पणजी-मळा येथील युवा संस्‍थेच्‍या वतीने आज भारत स्‍वाभिमान, पतंजली, ‘एयू’ स्‍मॉल फायनान्‍स बँक, पणजी गुजराती महिला मंडळ व रोटरी क्‍लब ऑफ दोना पावला यांच्‍या सहयोगाने श्री महालक्ष्‍मी मंदिर, हॉलमध्‍ये योग दिन साजरा करण्‍यात आला.

त्‍याचा १४० लोकांनी लाभ घेतला. उद्घाटन प्रसंगी पत्रकार सागर जावडेकर, ब्रह्माकुमारी शोभा बहेनजी, योगगुरू कमलेश बांदेकर, गिरीश परुळेकर (भारत स्वाभिमान), विश्वास कोरगावकर, संध्या खानोलकर (पतंजली), शोभा बहेनजी (ब्रह्मकुमारी), अर्चना शहा (गुजराती महिला मंडळ अध्यक्षा), सीए गौरव केंकरे (आयसीएआय आणि रोटरी क्लब ऑफ दोना पावला), शिवानी राईकवार व निर्मला निषाद (एयू स्मॉल फायनान्स बँक), सर्वेश शेट्ये (अध्यक्ष-युवा), दीक्षा शेट्ये (सचिव-युवा), शशांक सुखठणकर (खजिनदार-युवा आणि चिराग वेरेकर (कार्यक्रम-प्रभारी) उपस्‍थित होते.

या प्रसंगी मानवी जीवनात योग कसा उपयुक्‍त आहे, या संदर्भात माहिती देण्‍यात आली. सकाळी ६ पासून प्रात्‍यक्षिके दाखविण्‍यात आली. कमलेश बांदेकर आणि त्यांच्‍या टीमने आयुष मंत्रालयाच्या दिशानिर्देनुसार कार्यशाळेचे संचालन केले. ‘युवा’च्‍या आयोजनाचे उपस्‍थितांनी कौतुक केले.