पणजी : सार्वजनिक बांधकाम खात्यामध्ये वरिष्ठ- कनिष्ठ कोणीही अभियंते जर लाच मागत असतील तर सरळ मला सांगा, असे आवाहन सार्वजनिक बांधकाम खात्याचे मंत्री निलेश काब्राल यांनी कंत्राटदारांना केले आहे. (Inform me if any government official in Goa asks for a bribe says Nilesh Cabral)

सार्वजनिक बांधकाम खात्यामध्ये सर्व प्रकारची कामे पूर्ण करून घेण्यासाठी कंत्राटदारांकडून मोठ्या प्रमाणात लाच मागितली जाते असा आरोप आहे. आरोपाबाबत काब्राल बोलत होते.अशा प्रकारची लाच कोणी अभियंते मागत असतील तर सरळ मला संपर्क करा असे त्यांनी म्हटले आहे. या खात्यामध्ये येत्या वर्षभरात सार्वजनिक बांधकाम खात्यामध्ये मोठ्या प्रमाणामध्ये वरिष्ठ श्रेणीतील अभियंते निवृत्त होत आहेत त्या जागी नव्या अभियंत्यांना पदोन्नती मिळणे गरजेचे आहे. सरकारकडे याबाबतचा पाठपुरावा सुरू आहे. या खात्याचा कारभार मोठा आहे. याकरिता आर्थिक निधीची मोठ्या प्रमाणात गरज भासत असते, याबाबतही मुख्यमंत्र्यांकडे बोललो असल्याची माहिती काब्राल यांनी दिली आहे.