Goa ITI

पणजी: गोव्यात औद्योगिक प्रशिक्षण संस्थांमध्ये शैक्षणिक वर्ष २०२४-२५ पासून पाच दिवसांचा आठवडा लागू करण्यात आला आहे. कौशल्य विकास आणि उद्योजकता संचालनालयाच्या वतीने याबाबत आदेश जारी करण्यात आला आहे.

कौशल्य विकास आणि उद्योजकता संचालनालयाने आगामी शैक्षणिक वर्ष २०२४-२५ पासून गोवा राज्यातील कौशल्य विकास आणि उद्योजकता संचालनालयाच्या कक्षेत कार्यरत असलेल्या सर्व औद्योगिक प्रशिक्षण संस्थांमध्ये पाच दिवसांचा आठवडा लागू करण्यात आल्याची माहिती दिली आहे.

पहिल्या पाळीमधील कार्यालयाच्या वेळा सकाळी ८.०० ते संध्या ४.०० (८ तास) असतील आणि दुसरी पाळी सकाळी १०.०० ते संध्याकाळी ६.०० (८ तास) असेल, अशी माहिती देण्यात आली आहे.