Flights To Goa

इंडिगो विमान कंपनीने छत्रपती संभाजीनगर (पूर्वीचे औरंगाबाद) ते गोव्यासाठी थेट विमानसेवेची घोषणा केली आहे. नागपूर येथून उड्डाण घेणारे विमान छत्रपती संभाजीनगर मार्गे उत्तर गोव्यात येईल. येत्या ०२ जूनपासून ही विमानसेवा सुरु होणार असल्याची माहिती कंपनीने दिली आहे.

कंपनीने दिलेल्या माहितीनुसार, आठवड्यातील तीन दिवस या फ्लाईट्स सुरु राहतील. मंगळवार, गुरुवार आणि शनिवारी या फ्लाईट्स नागपूर ते गोवा (संभाजीनगर मार्गे) ऑपरेट करतील.

या थेट विमानसेवेमुळे छत्रपती संभाजीनगर ते उत्तर गोवा हे अंतर अवघ्या दोन तासांत पूर्ण होणार आहे. तर, नागपूर ते संभाजीनगर हे अंतर दीड तासांत पूर्ण होईल. प्रवासी आणि पर्यटकांनी पर्यायी मार्ग उपलब्ध व्हावा या उद्देशाने या मार्गाची घोषणा करण्यात आलीय.

कामानिमित्ताने तसेच पर्यटनासाठी ये-जा करण्यासाठी नागरिकांना या विमानसेवेचा फायदा होईल, असे कंपनीने म्हटले आहे.

दर आठवड्याला मंगळवार, गुरुवार आणि शनिवारी सकाळी ०९.४० वाजता सुटणारी फ्लाईट सकाळी अकरा वाजता उत्तरेतील मनोहर आंतरराष्ट्रीय विमानतळावर पोहोचेल.

नव्याने सुरु होणाऱ्या या विमानसेवेमुळे छत्रपती संभाजीनगर ते उत्तर गोवा प्रवासाचे तब्बल बारा तासांची बचत होईल. तर, नागपूर ते छत्रपती संभाजीनगर या प्रवासात साडे तीन तासांची बचत होईल.