पणजी: संरक्षणमंत्री राजनाथ सिंह आज (ता. २९) दोन दिवसांच्या गोवा दौऱ्यावर येणार आहेत. ‘तारिणी’ नौका परिक्रमेचा यशस्वी समारोप समारंभ आणि नौदल अधिकाऱ्यांशी संवाद असे त्यांचे दोन जाहीर कार्यक्रम आहेत.

नौदलाच्या ‘तारिणी’ या नौकेने यशस्वीपणे आठ महिन्यांची जागतिक परिक्रमा पूर्ण केल्यानंतर तिच्या विजयी दलाचे स्वागत करण्यासाठी गुरुवारी (ता. २९) मुरगाव बंदरावर ‘फ्लॅग-इन’ सोहळा आयोजित करण्यात आला आहे. या विशेष समारंभाचे अध्यक्षस्थान संरक्षणमंत्री राजनाथ सिंह भूषविणार आहेत.

‘नविका सागर परिक्रमा-दोन’ मोहिमेअंतर्गत पार पडलेली ही नौकायात्रा चार खंडांमध्ये साकार झाली असून, भारताच्या नौदल इतिहासातील हा एक ऐतिहासिक टप्पा ठरला आहे.

या उल्लेखनीय परिक्रमेसाठी नौदलाच्या लेफ्टनंट कमांडर रूपा ए. आणि लेफ्टनंट कमांडर दिलना के. यांनी डबल-हँडेड मोडमध्ये म्हणजेच केवळ दोघींनी ही संपूर्ण सागरी मोहीम पार पाडली. या धाडसी मोहिमेच्या माध्यमातून भारताची समुद्री परंपरा, अन्वेषणाची वृत्ती आणि नारीशक्तीचे तेजपूर्ण दर्शन घडले.

संरक्षणमंत्री राजनाथ सिंह २९ व ३० मे रोजी गोव्यात राहणार असून, या काळात ते नौदल अधिकाऱ्यांशी संवाद साधणार आहेत, अशी माहिती सूत्रांनी दिली. याबाबत स्पष्टीकरण देण्यात आले. इस्राईलच्या हल्ल्यात ऑक्टोबर २०२४ मध्ये ठार झालेला ‘हमास’चा माजी प्रमुख याह्या सिन्वरचा महंमद हा भाऊ होता.

‘हमास’च्या गाझामधील शेवटच्या कमांडर्सपैकी एक असलेला महंमद ‘हमास’च्या कमांड सेंटरमध्ये लपला होता. इस्राईलच्या सैन्याने केलेल्या ड्रोन हल्ल्यात या कमांड सेंटरला अचूक लक्ष्य करण्यात आले होते. खान युनूस शहरातील युरोपियन हॉस्पिटल येथे हे कमांड सेंटर होते.