Indian Army Day: हरमल पंचक्रोशी शिक्षण मंडळाच्या हायस्कूल विभागातर्फे भारतीय सेना दिवस उत्साहात साजरा केला. संस्थेचे अध्यक्ष लक्ष्मीकांत पार्सेकर यांच्या हस्ते ध्वजारोहण व एनसीसी विद्यार्थ्यांनी शिस्तबद्ध व उत्कृष्ट संचलन केले. यावेळी अन्य शालेय विद्यार्थ्यांनी संचलनाचा अनुभव घेतला.

हरमल पंचक्रोशी संस्थेच्या मैदानावर हा कार्यक्रम झाला. यावेळी मुख्याध्यापिका स्मिता पार्सेकर व ज्येष्ठ शिक्षक उदय परब उपस्थित होते. देशाच्या प्रत्येक राज्यात व प्रधान कार्यालयांत भारतीय सेना दिवस सैन्यदल साजरे करतात.

फादर आग्नेल इन्स्टिट्यूट, पिलारने आयोजित केलेल्या एनसीसीमध्ये यश मिळविलेल्या कॅडेट्सना अध्यक्ष पार्सेकर यांच्या हस्ते प्रमाणपत्रे वितरित केली. सचिन सावंत यांनी संचलनाचे नेतृत्व केले.

दरवर्षी सैन्यात नवनवीन युद्धनौका, पाणबुडी, लढाऊ विमाने आदींची प्रात्यक्षिके पाहिल्यानंतर प्रत्येक भारतीयांना सैन्याचा अभिमान वाटतो व सैनिकांचे मनोधैर्य वाढते. सीमेवर तैनात सैनिकांमुळे, त्यांच्या लढाऊ वृत्तीमुळे आपण सुरक्षित जीवन जगतो. त्यांच्या त्यागाची आम्ही शान राखली पाहिजे. - लक्ष्मीकांत पार्सेकर, अध्यक्ष, हरमल पंचक्रोशी संस्था