Loutolim Robbery Video Dainik Gomantak
गोवा

Goa Theft Case : चोरीच्या घटनांनी सुरक्षा व्यवस्था ऐरणीवर; लोटली येथेही बंगलाफोडीचा प्रयत्न

सलग दुसऱ्या दिवशी प्रकार; लाडफे मंदिरातील फंडपेटी फोडली

दैनिक गोमन्तक डिजिटल

झुवारीनगर-वास्को येथे चोरी करण्याचा प्रयत्न केल्यावर पळून जाताना गोळीबार करणाऱ्या ‘त्या’ चोरट्यांनी लोटली व डिचोली येथे चोरीच्या घटना घडल्या. त्यामुळे राज्यात सुरक्षेचा प्रश्‍न ऐरणीवर आला आहे.

लोटली येथे एक बंगला लुटण्याचा प्रयत्न झाला. या चोरट्यांनी त्यापूर्वी एका युवतीची सोनसाखळी हिसकावून पळ काढला तर आणखी एका वृद्ध महिलेच्या बांगड्या चोरून नेल्याची शक्यताही व्यक्त केली जात आहे. मात्र, यातील सोनसाखळी चोरून नेल्याची तक्रारच मायणा-कुडतरी पोलिस स्थानकावर नोंद करण्यात आली आहे.

मायणा-कुडतरी पोलिस स्थानकात जो गुन्हा नोंद करण्यात आला त्यात या चोरट्यांनी रविवारी सायंकाळी साडेपाचच्या सुमारास शांतीनगर-रावणफोंड येथे राहणारी युवती फराह खान (27) हीची 50 हजार रुपयांची सोनसाखळी हिसकावून पळ काढला.

ही युवती आपल्या मित्राबरोबर आंबोरा-लोटली येथे बोलत असताना काळ्या रंगाच्या पल्सर बाईकने दोन इसम तिथे आले आणि तिला धमकावून तिची सोनसाखळी घेऊन फरार झाले. ते दोघे जण होते. त्यातील एकाने नारिंगी रंगाचा तर दुसऱ्याने पांढऱ्या रंगाचा टी शर्ट घातला होता. याच रंगाचे कपडे घातलेल्या दोघांनी एका वृद्ध महिलेच्या हातातील बांगड्या चोरून नेल्याचे सांगितले जाते.

असेच कपडे घातलेल्या दोघांनी लोटली येथील एक बंद बंगला फोडून आत प्रवेश केल्याचा एक व्हिडिओ सध्या व्हायरल झालेला असून या बंगल्यात त्यांना काहीच मिळाले नाही. मडगाव येथील पोलिस उपअधीक्षक संतोष देसाई यांना यासंदर्भात विचारले असता पोलिसांचा तपास चालू आहे. एवढीच माहिती त्यांनी दिली.

एकाच टोळीतील सदस्यांचा हात

बंगल्यातील घरफोडी आणि महिलेच्या बांगड्या लुटल्याच्या घटनेचे व्हिडिओ व्हायरल झाल्याने या भागात भीतीचे वातावरण पसरले आहे. यासंबंधी पोलिसांशी संपर्क साधला असता या दोन्ही घटनांची कुणीही तक्रार दिलेली नाही, अशी माहिती मिळाली.

मात्र, जे व्हिडिओ व्हायरल झाले आहेत त्यातील चोरट्यांचे कपडे एकाचसारखे असल्याने या सर्व घटनांत एकाच टोळीतील सदस्य गुंतले आहेत, हे स्पष्ट होत आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

भारतीय तटरक्षक दलाला सलाम...! अरबी समुद्रात बहादुरी गाजवत ईराणी मच्छीमाराला यशस्वीरित्या वाचवले; गोव्यात यशस्वी उपचार VIDEO

Mumbai Children Kidnap Case: मुले आरोपी रोहित आर्यच्या जाळ्यात नेमकी कशी अडकली? धक्कादायक घटनेची A टू Z कहाणी

Goa Crime: पेडणे गोळीबार घटनेला मोठे वळण! तेरेखोल नदीतील अवैध वाळू उपसा प्रकरणी 7 जणांना अटक

Viral Video: अंगावर चिखल उडवणाऱ्या कारचालकाची तरुणीनं मोडली चांगलीच खोड; व्हिडिओ पाहून नेटकरी म्हणाले, 'भावाने चुकीच्या व्यक्तीशी पंगा घेतला...'

अंधाऱ्या रात्रीत डिव्हायडरजवळ पडला, दारूच्या नशेत उठणंही होतं मुश्किल; 'बिट्स पिलानी'च्या विद्यार्थ्याचा राडा

SCROLL FOR NEXT