Theft Case: दिवसेंदिवस गोव्यातील चोरीच्या घटनांमध्ये वाढ होत आहे. चोरीच्या गुन्हेगारीत प्रामुख्याने परप्रांतीयांचा समावेश आहे. या गोष्टींमुळे पोलीस प्रशासन अधिकच सतर्क आहे. थिवीमध्ये अशीच एक घटना घडली आहे.

थिवी रेल्वे ट्रॅकचे काम करणाऱ्या कामगारांच्या सामानाची चोरी झाल्याचा प्रकार उघडकीस आला आहे.

थिवी रेल्वे ट्रॅकवर काम करणाऱ्या कामगारांचे दोन मोबाईल चोरल्याप्रकरणी कोलवाळ पोलिसांनी विठ्ठल खरवत (27, थिवी) याला अटक केली असून त्याच्याकडून मोबाईल ताब्यात घेतले आहेत.

दरम्यान, काही दिवसांपूर्वी अशीच एक घटना घडली होती. काही नौदल अधिकाऱ्यांना वास्कोमधल्या रेल्वे स्टेशनवर सोडण्याच्या बहाण्याने काही महाठगांनी आपले हात साफ केले.

याप्रकरणी जुने गोवा पोलिसांनी 3 संशयितांना आपल्या ताब्यात घेतले आहे. या तिघांकडून 3 कार जप्त केल्या असून पोलीस यांची अधिक तपासणी करत आहेत.