पणजी: गोव्यात (Goa) आज लसीकरणाला (Vaccination) मोठा प्रतिसाद मिळाला. 19728 येवढे लसीकरण आज झाले. त्यामुळे राज्यातील एकूण लसिकरण 8 लाख, 36हजार 624 येवढे झाले. आज दिवसभरात 17893 नागरिकांनी कोरोना (Covid 19) प्रतिबंधक लसिचा पहिला डोस तर 835 नागरिकांनी लसिचा दुसरा डोस घेतला आहे. राज्यात आतापर्यंत 8 लाख 36 हजार 624 एवढे लसीकरण पूर्ण झाले . यात 622098 लोकांनी पहिला डोस तर 107263 लोकांनी दोन्ही डोस घेतले आहेत. अद्यापही गोवा राज्याकडे 1 लाख 60 हजार 910 लसिचे डोस बाकी आहेत. राज्यातील सर्व सरकारी इस्पितळे व टिका उत्सव अंतर्गत स्थापन केलेल्या पंचायत पातळीवरील लसिकरण केंद्रात मोफत लसिकरण सुरू आहे.

दरम्यान, राज्यात कोरोनाचा संसर्ग वाढत असताना पुन्हा एकदा सावंत सरकारने (Dr Pramod Sawant) संचारबंदी (Curfew) 5 जुलै पर्यंत वाढवण्याचा निर्णय घेतला आहे. राज्यातील वाढती कोरोना रुग्णांची संख्या पाहता हा निर्णय घेण्यात आला आहे. 5 जुलैच्या सकाळी सात वाजेपर्यंत ही संचारबंदी राहणार आहे. मात्र अत्यावश्यक सेवा सुविधा सुरु राहतील.