Vasco News : वास्को, मुरगाव पत्तन प्राधिकरणच्या (एमपीए) धक्का क्र. १० वरून १७ तासात २९ हजार १५० मेट्रिक टन लोखंडी पॅलेन्ट्स एमव्ही एक्सप्लोर आफ्रीका जाहाजात लोड करून, एमपीएने नवीन विक्रम नोंदविला आहे.

सदर २९ हजार १५० मेट्रिक टन लोखंडी पॅलेन्ट्स १७ तासात जहाजात भरण्याचा विक्रम धक्का क्र.१० चे प्रमुख स्टीव्हडोर डेल्टा इन्फ्रालोजिस्टिक आस्थापनातर्फे करण्यात आल्याची माहिती एमपीएचे उपाध्यक्ष गुरुप्रसाद राय यांनी दिली आहे.

मुरगाव पत्तन प्राधिकरणाच्या (एमपीए) मध्ये यापूर्वी २८ हजार मेट्रिक टन माल जहाजात भरण्याचा विक्रम केला होता.त्याला मुरगाव बंदरातील स्टीव्हडोर डेल्टा इन्फ्रालोजिस्टिक आस्थापनाने पुन्हा एकदा मागे टाकले आहे.

मुरगाव बंदरातील धक्का क्र. १० वर एमव्ही - एक्सप्लोर आफ्रीका जहाजात लोखंडी पॅलेन्ट्स लोड करण्याचे काम डेल्टा इन्फ्रालॉजिस्टीक तर्फे हातात घेण्यात आले होते.

यावेळी स्टीव्हडोर डेल्टा इन्फ्रालॉजिस्टिकने अप्रतिम काम सुरू करून, चक्क लोखंडी पॅलेन्ट्स जहाजात १७ तासात लोड करून नवीन विक्रम प्रस्तावित केल्याची माहिती एमपीएचे उपाध्यक्ष राय यांनी दिली. धक्का क्र. १० वरून लोखंडी पॅलेन्ट्स एमव्ही एक्सप्लोर लोड करताना सीएचएलडी आस्थापनाचा महत्वाचा वाटा असल्याचे राय यांनी सांगितले.

पर्यावरणस्नेही

लोखंडी पॅलेन्ट्स येथील पर्यावरणाला अनुकूल असून भविष्यात एमपीए त्यात आणखीन भर देणार आहे.

सदर एमव्ही एक्सप्लोर आफ्रीका जहाज लोखंडी पॅलेन्ट्स घेऊन केनिया बंदरात जाणार असल्याचे स्टीव्हडोर डेल्टा इन्फ्रालॉजिस्टिक आस्थापनातर्फे सांगण्यात आले आहे, असे एमपीएचे उपाध्यक्ष गुरुप्रसाद राय यांनी सांगितले.