पणजी: भारतीय हवामान खात्याने सागरी हद्दीत २१ आणि २४ मे रोजी मुसळधार वाऱ्यांचा इशारा दिला आहे. यावेळी किनाऱ्यापासून ७५ किलोमीटरच्या परिसरात ३५ ते ४५ किलोमीटर प्रतितास वेगाने वारे वाहण्याची शक्यता असून, ते काहीवेळा ५५ किलोमीटर प्रतितासपर्यंत वेग गाठू शकतात.

स्वातंत्र्यसेनानी त्रिस्ताव द ब्रागांझा कुन्हा यांच्या स्मारकाला गळती लागल्‍याचा प्रकार ‘आयटक’च्या आंदोलनावेळी उघडकीस आला. या स्मारकाची उभारणी ‘फ्रीडम फायटर असोसिएशन’ या संघटनेने जनतेकडून मिळालेल्या देणग्यांच्या माध्यमातून केली होती. स्मारकाचे उद्‍घाटन २३ मार्च १९७३ रोजी लेफ्टनंट जनरल कुन्हीरामन कॅंडेथ यांच्या हस्ते करण्यात आले.

त्यांनी डिसेंबर १९६१ मध्ये भारतीय सैन्याद्वारे गोव्याच्या विलीनीकरणाचे नेतृत्व केले होते. स्मारकाच्या छतावरून पाणी झिरपत असल्याने आतील संरचनेला धोका निर्माण होऊ शकतो. पावसाळ्याच्या सुरवातीलाच अशी स्थिती तर पुढे काय? असा सवाल उपस्‍थित करण्‍यात येत आहे.

कोठे कोसळली झाडे?

खोर्ली-जुने गोवे, फोंडा राज्य सहकारी बँकेजवळ, भाईडवाडा-कोरगाव, कुडचडे, पिळर्ण येथील पार्क रेजिना हॉटेजवळ, पर्वरीतील सुकूर चर्चजवळ, डिचोली आणि परिसर, काणकोण, जुने गोवे येथील आडोशी मैदानाजवळ, अंजुणे धरणाजवळ, वाळपई, थिवी, चोर्ला घाट.