भारतीय हवामान खात्याने (IMD) येत्या पाच दिवसांत मुंबई आणि गोव्यासह (Goa) इतर अनेक राज्यांमध्ये मुसळधार पावसाचा इशारा देण्यात आला आहे. हिमाचल प्रदेश, उत्तराखंड, ओडिशा, छत्तीसगड, मध्य प्रदेश, महाराष्ट्र, गुजरात, केरळ, किनारी आंध्र प्रदेश, कर्नाटक आणि तेलंगणा या राज्यांमध्ये IMDने शनिवार-रविवार मुसळधार पावसाचा अंदाज वर्तवला आहे. (IMD Monsoon Alert Updated News)

महाराष्ट्रात सलग 4 दिवस जोरदार पाऊस पडत आहे. IMD ने मुंबई आणि गोव्यात पुढील 24 तासांसाठी रेड अलर्ट जारी केला आहे. महाराष्ट्रात 10 जुलैपर्यंत मुसळधार पावसाचा इशारा देण्यात आला आहे. यादरम्यान लोकांना समुद्रकिनाऱ्यावर जाण्यासाठी बंदी घालण्यात आली आहे.

IMD च्या अलर्टनुसार गुजरातमध्ये 11 जुलैपर्यंत मुसळधार पाऊसाची शक्यता वर्तवण्यात आली आहे. तसेच राज्याच्या काही भागात मुसळधार पावसाचा इशारा देण्यात आला आहे. यामध्ये नवसारी, वलसाड, दमण, दादर नगर हवेली, सौराष्ट्र आणि कच्छमधील जामनगर, जुनागढ, देवभूमी द्वारका आणि दक्षिण गुजरातमधील कच्छ जिल्ह्यांचा समावेश आहे, जेथे मुसळधार पाऊस पडण्याची शक्यता वर्तवण्यात आली आहे.

मात्र, गुजरातमधील काही भागामध्ये आधीच पावसाने दडी मारली आहे. जुनागडच्या पावसानंतर पाणी साचून पूरसदृश परिस्थिती निर्माण झाली आहे. दुसरीकडे 10 आणि 11 जुलै रोजी मध्य महाराष्ट्रात पाऊस पडण्याची IMDने शक्यता वर्तवली आहे. 9 जुलैला कोस्टल कर्नाटक, 8 आणि 11 तारखेला कोस्टल आंध्र प्रदेश, तेलंगणामध्ये पावसाचा इशारा दिला आहे.

याशिवाय 8 आणि 10 जुलै रोजी पश्चिम मध्य प्रदेश आणि 11 जुलै रोजी पूर्व मध्य प्रदेश आणि छत्तीसगडमध्ये मुसळधार पावसाचा इशारा दिला आहे. IMD ने हिमाचल प्रदेश आणि उत्तराखंड या डोंगराळ राज्यांमध्ये 8-9 जुलै रोजी अतिवृष्टीचा इशारा जारी करण्यात आला आहे.