IMD Goa Rain Forecast: गोव्यात नैर्ऋत्य मोसमी पावसाला अद्याप सुरवात झालेली नसली तरी आगामी आठवड्यात राज्यात पावसाला सुरवात होण्याची शक्यता आहे. दरम्यान, राज्यात 8 जून रोजी मेघगर्जनेसह हलका ते मध्यम स्वरूपाचा पाऊस पडेल, असा अंदाज गोवा वेधशाळेने वर्तवला आहे.

भारतीय हवामान खात्याने (IMD) ने व्यक्त केलेल्या अंदाजात म्हटले आहे की, 5, 6 आणि 8 जून रोजी गोव्यात काही ठिकाणी मेघगर्जनेसह हलका ते मध्यम स्वरूपाचा पाऊस होऊ शकतो.

या व्यतिरिक्त, 7 जून रोजी राज्याच्या जिल्ह्यांमध्ये काही ठिकाणी हलका पाऊस आणि मेघगर्जनेसह पाऊस पडण्याची शक्यता आहे. IMD ने देखील गडगडाटी वादळाचा अंदाज वर्तवला आहे.

सोमवारपासून आग्नेय अरबी समुद्रात चक्रीवादळ निर्माण होण्याची शक्यता असल्याचा इशारा देण्यात आला आहे. त्याचा परिणाम गोव्यातील हवामानावर होणार आहे. दरम्यान, केरळमध्ये मान्सून सुरू झाल्यानंतर गोव्यात साधारणपणे 4-5 दिवसांनी पाऊस पडतो.