फातोर्डा: आके पॉवर हाऊसजवळ उभारण्यात आलेला एक बेकायदा गाडा अखेर रातोरात हटविण्यात आला. याबाबत सोशल मीडियावर व्हिडीओ व्हायरल झाला होता. त्यानंतर हा गाडा हटविल्याने तो बेकायदा होता असे निष्पन्न झाले, अशी प्रतिक्रिया या गाड्याच्या विरोधात समाजमाध्यमातून आवाज उठविणारे नागरिक अँड्र्यू सिक्वेरा यांनी व्यक्त केली आहे.
पॉवर हाऊससमोर दीनदयाळ योजनेअंतर्गत देण्यात आलेल्या गाड्यांच्या मधोमध हा गाडा उभारण्यात आला होता. तेथे एकंदरीत चार ते पाच गाडे गोमंतकीय युवकांना आपला उदारनिर्वाह चालविण्यासाठी सरकारी योजनेतून देण्यात आले आहेत.
यातील काहीजण आपले गाडे स्वतः चालवितात तर काहींनी आपले गाडे भाडेपट्टीवर बिगरगोमंतकीयांना देऊन स्वतः मात्र सरकारी नोकरी (Job) करत आहेत. सरकारी योजनेचा अशा प्रकारे गैरफायदा घेणाऱ्यांवरही त्वरित कारवाई करण्यात यावी, अशी मागणी करण्यात येत आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.