Goa Illegal Mountain Harvesting: कासुले-पोरस्कडे येथे राष्ट्रीय महामार्गाजवळ असलेला डोंगर कापण्याचे काम सुरू आहे. याकडे सरकारी यंत्रणेचे पूर्णपणे दुर्लक्ष झाले आहे.

गेले अनेक दिवस जेसीबीच्या साहाय्याने डोंगर पोखरून माती, दगड हे ट्रकद्वारे नेण्यात आले. याकडे स्थानिक पंचायत तसेच पेडणे तालुक्यातील सरकारी अधिकाऱ्यांकडून दुर्लक्ष होत आहे.

यावेळी पत्रकारांनी तिथे काम करणाऱ्या कामगारांना डोंगर कापण्याचा परवाना आहे का, असे विचारल्यावर त्यांचाकडे उत्तर नव्हते. खाजने-अमेरे-पोरस्कडे पंचायतीच्या सरपंच प्रीती हळदणकर यांच्याशी संपर्क साधून त्यांना डोंगर कापणीचा परवाना पंचायतीने दिला का, असा प्रश्न केला असता पंचायतीने कुठल्याही प्रकारचा परवाना डोंगर कापणीसाठी दिला नसल्याचे सांगितले.

डोंगर कापणीबाबत पंचायतीच्या वतीने पेडणे पोलिस निरीक्षक आणि पेडणे मामलेदार यांना लेखी निवेदन देण्यात येणार आसल्याची माहिती सरपंच प्रीती हळदणकर यांनी दिली. पेडणे मामेलदर अनंत मलिक यांच्याशी संपर्क साधला असता आपण टीसीपी विभागाला कळवतो, असे त्यांनी सांगितले.