वास्कोचे पोलीस निरीक्षक कपिल नायक यांच्या नेतृत्वाखाली वास्को पोलीस पथकाने काल रात्री पंचायत क्षेत्रात चिखली येथे एका बारवर छापा टाकून विविध ब्रँडची 20,514 रुपयांची बेकायदा दारू जप्त केली.

आगामी पंचायत निवडणुकीच्या पार्श्वभूमीवर रात्रीच्यावेळी बार बंद राहतील याची काळजी घेत वास्को पोलिसांनी पंचायत क्षेत्रात चोख बंदोबस्त ठेवला आहे. कोणताही अनुचित प्रकार घडू नये यासाठी पोलीस निरीक्षक कपिल नायक यांच्या देखरेखीखाली पोलीस कर्मचारी चौक बंदोबस्त ठेवत आहेत.

दरम्यान याच पार्श्वभूमीवर वास्को पोलिसांनी काल रात्री चिखली पंचायत क्षेत्रात एका बारवर छापा टाकून 20,514 रुपयांची बेकायदा दारू जप्त केली. रात्रीच्या वेळी सुरू असलेली बार पाहता पोलिसांनी कडक पोलीस बंदोबस्त ठेवला आहे. रात्रीच्या वेळी अशी दारूची दुकाने किंवा बार सुरू आढळून आल्यास त्यांच्यावर कडक कारवाई करण्यात येईल असे वास्कोचे पोलीस निरीक्षक कपिल नायक यांनी सांगितले.