Agassaim police Goa booked seven persons for Illegal Bull transport: बैलाची अवैध वाहतूक प्रकरणी सात जणांविरोधात आगशी पोलिसांत गुन्हा दाखल केला आहे. प्राण्याला क्रूरतेने वागणूक दिल्याप्रकरणी हा गुन्हा दाखल करण्यात आलाय.

वाहतूक प्रकरणी तक्रारदाराने त्यांना जाब विचारला असता त्याला जीवे मारण्याची धमकी दिली तसेच, वाहनांतील संशयित आणि तक्रारदार यांच्यात शाब्दिक वाद आणि झटापट झाली.

गौरीश सत्यविजय नारिंग्रेकर (वय 23) यांनी याप्रकरणी आगशी पोलीस ठाण्यात गुन्हा दाखल करण्यात आला आहे.

पोलिसांनी हनुमंता कुताकानाकेरी, मालिबुबासाब वाळीकर, एडी डायस, मेलकम पेल्हा, मरियन रॉड्रिग्ज, गुरूदास गावस आणि एक अनोळखी व्यक्ती असे सात जणांविरोधात गुन्हा दाखल करण्यात आला आहे.

आगशी पोलिसांनी दिलेल्या माहितीनुसार, तक्रारदार गौरीश यांनी अवैध बैल वाहतूक प्रकरणी ट्रक थांबवून त्यातील (GA-03-W-1819) संशयितांना जाब विचारला. तसेच, प्राणी वाहतूकीबाबत वैध परवानगीची विचारणा केली. यावर संशयित आणि तक्रारदार यांच्यात शाब्दिक वाद झाला तसेच, त्यांच्यात हातापायी देखील झाली. असे फिर्यादीत म्हटले आहे.

संशयितांनी तक्रारदाराला शिवीगाळ करत, जीवे मारण्याची धमकी दिली. पोलिसांनी सात जणांविरोधात गुन्हा दाखल केला असून, पोलीस अधिक तपास करीत आहेत.