Goa Tourism: पर्यटन खात्याच्या जागेत अतिक्रमण करून कोलवा समुद्र किनाऱ्याजवळ उभारलेले 'कॅजीस प्लेस' हे बेकायदेशीर बार आज पर्यटन खात्याच्या कारवाईत जमीनदोस्त करण्यात आले.आज दुपारी ही करवाई करण्यात आली.

या कारवाईवेळी पोलीस बंदोबस्त ठेवण्यात आला होता. दरम्यान या कारवाईविषयी संबंधित रेस्टोरंटच्या मालकाला विचारणा झाली असता ते म्हणाले, हे बांधकाम मोडणार याची आम्हाला कुठल्याही प्रकारची कल्पना देण्यात आली नव्हती.

ही जागा पर्यटन खात्याचा मालकीची असून या बार मालकाला यापूर्वी नोटीस जारी करण्यात आली होती अशी माहिती अधिकाऱ्यांनी दिली. दोन महिन्यांपूर्वी पर्यटन खात्याने कोलवा येथे अशीच कारवाई करतांना केंटकी या प्रसिद्ध रेस्टॉरंटसह अनेक दुकानदारांनी केलेले विस्तार जमीनदोस्त केले होते.