गेली दोन वर्षे कोरोना महामारीत गेल्यानंतर यंदा राज्यात सार्वजनिक गणेशोत्सवाची धूम उत्साहाने सुरू झाली. अनेक ठिकाणी आकर्षक सजावट व देखावे तयार करण्यात आले होते. गेली दोन वर्षे 2020-2021 कोरोना महामारीमुळे सार्वजनिक गणेशोत्सव मध्ये उत्साह उमेद दिसला नव्हता. मात्र यंदा पुन्हा एकदा पूर्वीसारखा उत्साह दिसून आला.

(idol Ganesh faithfully immersed at vasco)

मुरगाव तालुक्यात मोठ्या उत्साहात गणेशोत्सव साजरा करण्यात आला. पूर्वी घरातील गणेशोत्सवाला मोठे महत्त्व होते. तसे आता सार्वजनिक गणेशोत्सवांना देखील आले आहे.मुरगाव तालुक्यात विविध भागात एकूण 47 सार्वजनिक गणेश मंडळांनी गणेशोत्सव साजरा केला. यात कुठ्ठाळी दाबोळी, वास्को आणि मुरगाव अशा चार मतदारसंघात मिळून एकूण 47 सार्वजनिक गणेश मंडळ आहेत.

गेली दोन वर्षे कोरोना महामारीमुळे वगळता यंदा दरवर्षीप्रमाणे यंदाची गणेश चतुर्थी मोठ्या उत्साहात साजरी करण्यासाठी मंडळाच्या पदाधिकाऱ्यांनी, सदस्यांनी आणि भाविकांनी कंबर कसली व गणेशोत्सव मोठ्या उत्साहात साजरा केला.

मुरगाव तालुक्यातील सार्वजनिक गणेश मंडळापैकी काही जणांनी सात दिवस, नऊ दिवस व अकरा दिवस गणपती ठेवला तर काही मोजकेच 21 दिवसांचा सार्वजनिक गणेश पुजला. गणेश चतुर्थी काळात चोख सुरक्षा बंदोबस्त राहावा यासाठी एकूण 94 पोलीस तैनात करण्यात आले होते. भाविक व इतरांच्या सुरक्षेकरिता शस्त्र, हॉकी टाकी तसेच इतर गोष्टी तसेच क्विक रिएक्शन टीमही नियुक्त केली होती.

दरम्यान आज वास्को, वेर्णा, मुरगाव पोलीस स्थानकाबरोबर बायणा येथील विनायक कला संघाचा तसेच दाबोळी येथील दाबोळीचा राजा, ठाणे कुठ्ठाळी येथील साखळ्यो गणेशोत्सव मंडळाचा सार्वजनिक गणेशाचे दिंडीच्या गजरात वाजत गाजत विसर्जन करण्यात आले. विसर्जन मिरवणुकीत शेकडो भाविकांनी आपला सहभाग दर्शविला होता.