Anjuna Police: गोव्यातील वाहतूक पोलिसांकडून ठिकठिकाणी वाहनांची, वाहनधारकांची तपासणी केली जाते. विशेषतः उत्तर गोव्यातील सुप्रसिद्ध समुद्र किनाऱ्यांच्या भागात जिथे पर्यटकांची गर्दी मोठी असते तिथे बऱ्याचदा वाहतूक पोलिस वाहनधारकांची तपासणी करत असतात. सध्या हणजुणेतील पोलिसांचा असाच एक व्हिडिओ व्हायरल झाला असून त्यातून पोलिस लाच घेतल्याचे म्हटले आहे.

सध्या उत्तर गोव्यातीलच हणजुणे (Anjuna) येथील एक व्हिडिओ सोशल मीडियात व्हायरल होत आहे. यात वाहतूक पोलिस लाच घेत असल्याचे म्हटले आहे. एका ट्विटर युजरने हा व्हिडिओ ट्विटरवरून शेअर केला आहे.

त्यात त्याने म्हटले आहे की, हा व्हिडिओ 4 एप्रिल 2023 रोजी सायंकाळी 5 ते 6 च्या दरम्यान हणजुणे पोलिस स्टेशन समोरच शुट केलेला आहे. या वेळी एका वाहतूक पोलिसाने पर्यटकाकडून दोन हजार रूपये लाच घेतल्याचे या ट्विटमध्ये म्हटले आहे. या व्हिडिओत दिसते की, वाहतूक पोलिस कर्मचारी दुचाकीवरील काही कपल्सशी बोलताना दिसतो.