Goa Cyber Fraud गोव्यात सायबर क्राईम (Cyber Crime), ऑनलाईन फ्रॉडचे (Online Fraud) प्रकार वाढले आहेत. लाईट बिल, फोनचे बिल, अनेक खोट्या स्किम, योजना, गुंतवणूकीचे पर्याय सांगून नागरिकांची आर्थिक फसवणूक केली जाते. दक्षिण गोव्यातील कोलवा येथील बंगल्यावर सायबर क्राईम पोलिसांनी छापा मारल्याची घटना नुकतीच घडली आहे.

हैदराबाद सायबर क्राईम पोलिसांनी ही कारवाई केल्याची प्राथमिक माहिती प्राप्त झाली असून सायबर फसवणुकीप्रकरणी दक्षिण गोव्यातील कोलवा येथील एका बंगल्यावर छापा टाकत 7 जणांना ताब्यात घेतलं असल्याचं समजतंय.

सायबर संबंधी नक्की कुठली घटना घडली यासंबंधी सविस्तर माहिती अद्याप प्राप्त झाली नाही. दरम्यान हैदराबाद सायबर क्राईम पोलिसांनी देशाच्या इतर भागातही छापे टाकले असल्याची माहिती मिळतेय.