Goa Agriculture: म्हावळींगे येथील 'चारमाळो' या पठाराला लागलेल्या आगीत काजू बागायतीतील शेकडो काजूची झाडे जळून खाक झाली. आगीची ही घटना गुरुवारी घडली. या आगीत तुळशीदास गावकर,अभिजीत परवार यांच्यासह अन्य काजू बागायतदारांचे नुकसान झाले.

ऐन काजू हंगामाच्या प्रारंभीच काजूची झाडे आगीच्या भक्ष्यस्थानी पडल्याने काजू बागायतदार हवालदिल बनले आहेत. काल सकाळी 10.30 वाजण्याच्या सुमारास ''नेस्ले'' कंपनीच्या मागच्या बाजूने पठाराला आग लागली. माहिती मिळताच डिचोली अग्निशमन दलाच्या जवानांनी बंबासहीत घटनास्थळी धाव घेतली.

लिडींग फायर फायटर राजन परब यांच्या नेतृत्वाखाली दलाच्या जवानांनी अथक प्रयत्न करुन दुपारी 2.45 वाजेपर्यंत आग नियंत्रणात आणली. आग नेमकी कशी लागली, याचे नेमके कारण समजू शकले नाही.