सांगे : गतवर्षी पुराच्या पाण्याने (flood) बागायतीची झालेली नुकसान भरपाई मिळाली नसताना यंदाच्या महापुरात त्याच बागायतीची मोठी नुकसानी झाली. बागायतीला (Horticulture) पाणी पुरवठा करणारे पम्पहाऊस मोडून आतील सामान पुराच्या पाण्यात वाहून गेले. अशी नुकसानी दरवर्षी होत राहिली तर बागायती कशा उभ्या कराव्यात असा सवाल गुणेभाट सांगे(Sange) येथील बागायतदार उल्हास सालेलकर यांनी उपस्थित करून सरकारकडून नुकसानी भरपाई मिळत नसल्याची नाराजी आमदार प्रसाद गावकर (MLA Prasad Gaonkar) यांच्याशी व्यक्त केली आहे.

आपली कैफियत आमदारांशी मांडताना बागायतदार उल्हास सालेलकर म्हणाले, गेल्या वर्षीची झालेली नुकसानी झालेल्या भरपाई मिळावी म्हणून कृषीखात्यात हेलपाटे मारले तरीही, नुकसानी मिळाली नाही. यंदाही महापुरात पम्प हाऊसच्या आतील नारळ, सुपारी (Coconut, betel nut) वाहून गेल्याने आपल्याला अतोनात नुकसान झाले आहे. पुन्हा पम्प हाऊस उभारावे लागणार आहे. याची नोंद घेऊन सरकारने गेल्या वर्षीची आणि यंदाची नुकसान भरपाई (Indemnity) द्यावी अशी मागणी केली आहे. दरम्यान, आमदार गावकर यांनी आपण या प्रकरणाची चौकशी करून नुकसान भरपाई मिळवून देण्यात येणार असल्याचे सांगितले.