फातोर्डा, आर्ले येथील पेप्सी फॅक्टरीजवळ एका घरातील स्वयंपाकघराला आग लागून ४० हजार रुपयांचे नुकसान झाले. तसेच घरातील सदस्य असलेल्या वेलान्टिनो गावकर यांच्या हाताला इजा झाल्याने त्यांना मडगाव येथील जिल्हा हॉस्पिटलमध्ये दाखल करण्यात आले.
तर अन्य एका सदस्याला श्‍वास कोंडल्यामुळे त्रास झाला. अग्निशमन दलाच्या पथकाला १ लाख रुपयांची मालमत्ता वाचविण्यात यश मिळविले.
ही आग सायंकाळी ६ वाजण्याच्या दरम्यान लागली. माहिती मिळाल्यानंतर मडगाव येथील अग्निशमन दलाच्या पथकाने तातडीने धाव घेऊन ही आग विझविली. या आगीत वॉशिंग मशीन व काही फर्निचर जाळून गेले आणि ४० हजार रुपयांचे नुकसान झाले. शाॅर्टसर्किटमुळे आग लागलेले हे घर आर्तिम गावकर यांच्या मालकीचे आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.