काणकोण: लोलये पंचायत क्षेत्रातील वेगवगळ्या भागातील सुमारे 16 किलोमीटर लांबीच्या अंतर्गत रस्त्यांच्या हॉटमिक्स डांबरीकरणाचा आज सभापती रमेश तवडकर यांच्या हस्ते शुभारंभ करण्यात आला.यावेळी लोलयेचे सरपंच सचिन नाईक,पंच व माजी सरपंच अजय लोलयेकर,भाजप मंडळ अध्यक्ष विशाल देसाई,महेश नाईक, महिला मोर्चाच्या अध्यक्षा वृंदा सतरकर, त्याचप्रमाणे संजू तिळवे,विनय तुबकी उपस्थित होते.पंचायत क्षेत्रातील माशे ते आगस मार्गे लोलये,लोलये चर्च ते पेडे, त्याचप्रमाणे दापट ते काजळकेर,माड्डीतळप व अन्य रस्त्यांचा समावेश आहे.या रस्त्याच्या डांबरीकरणाचे सर्व सोपस्कार माजी उपसभापती इजिदोर फर्नांडिस यांनी पूर्ण केले होते फक्त विधानसभा निवडणुकीच्या आचारसंहितेमुळे डांबरीकरण पूर्ण झाले नाही असे सरपंच सचिन नाईक यांनी सांगितले.

डांबरीकरणाच्या शुभारंभ प्रसंगी सभापती रमेश तवडकर यांनी डांबरीकरणाचा प्रस्ताव व सर्व सोपस्कार मागील सरकारच्य कार्यकाळात पूर्ण झाले होते मात्र त्याची कार्यवाही आता होत असल्याचे सांगितले. या डांबरीकरणासठी एकूण 4 कोटी 10 लाख रुपयांचा खर्च येणार असल्याचे सभापती तवडकर यांनी सांगितले.यावेळी सभापती तवडकर यांनी पंचायत क्षेत्रातील समस्या जाणून घेतल्या व त्या पूर्ण करण्यासाठी प्रयत्न करण्यात येणार असल्याचे सांगितले.