गोव्यात मागील काही महिनांपूर्वी गोव्यात आगीचे सत्र पाहायला मिळाले. वेगवेगळ्या ठिकाणी लागलेल्या आगींमुळे वृक्षसंपदेसह बऱ्याच मोठ्या प्रमाणावर आर्थिक नुकसान झाले. राज्यातील या सततच्या लागणाऱ्या आगीच्या घटनांची नोंद केंद्र सरकारने देखील घेतली होती.

सध्या उन्हाळा असल्याने मोकळ्या रानमाळासह बागायतींना आगी लागण्याच्या घटना पुन्हा घडत आहेत. चिंचोणे येथे देखील अशीच एक आगीची घटना घडली आहे.

आज दुपारच्या सुमारास दक्षिण गोव्यातील चिंचोणे येथे बागायतीला भीषण आग आग लागल्याचे वृत्त हाती आले आहे. ही आग विझवण्यासाठी अग्निशमन दलाला घटनास्थळी पोहोचणे शक्य न झाल्याने घटनास्थळावरची सर्व झाडे पूर्णपणे नष्ट झाली आहेत.

ही आग कशी लागली? झाडांसह अन्य किती नुकसान झाले याची अद्याप माहिती प्राप्त झाली नाही. सविस्तर वृत्त थोड्याच वेळात..