मुसळधार पावसाने बोरी आणि शिरोडा गावाला गेल्‍या तीन दिवसांपासून झोडपून काढले आहे. सर्वत्र पाणीच पाणी साचल्‍यामुळे जनजीवन विस्कळीत झाले आहे.

रविवार, १४ रोजी मुसळधार पावसाने वेग धरल्याने येथून वाहणाऱ्या झुवारी नदीच्या पात्राला पूर आला. शिरोडा गावातील खाजन शेतीत पाणी साठून वाहत होते. शिवनाथी तसेच वाळपे येथून वाहणाऱ्या मोठ्या नाल्यातून तुडूंब भरून पाणी वाहत होते.

बोरी सिध्दनाथ पर्वतावरून तन्नामुळे कुडयाळ भागातून श्री नवदुर्गा तलावात नदीचे स्वरूप प्राप्त झाले होते. कोपले, साकव, पेडाकडील शेतीतून आणि नाल्यातून दुतर्फा पाणी भरून वाहत होते. या दोन दिवस पडलेल्या पावसामुळे येथील कुळागरातील झाडांची पडझड झाली. अनेकांच्या घरात दुकानात पाणी शिरले.

रविवार सुट्टीचा दिवस तर सोमवारी शाळांना सुट्टी जाहीर केल्याने विद्यार्थी व छोटी मुले सुखरूप घरी राहिली. लोटली, कामुर्ली, आंबोडा, राय, राशोल, तेंबी सारख्या भागातील खाजन शेतीत पावसाच पाणी साठून राहिल्याने शेतकऱ्यांना या दोन दिवसात शेतीची कामे करता आली नाही. लोकांनी घरात बसून राहणे पसंत केले.