कुडचडे येथे एका गाड्यावर सामोसे, शोरमा विकणाऱ्याजवळ चक्क ३५ हजारांचे ‘हॅश ऑईल’ आढळले. पोलिसांनी या प्रकरणी युनूस माताजी (२५) याला आज पहाटे (३ रोजी) अटक केली.

युनूस आपल्या गाडीतून ड्रग्ज घेऊन येत असल्याची माहिती कुडचडे पोलिसांना मिळाली होती. त्यामुळे पोलिस पहाटे शेळवण येथे दबा धरून होते. संशयित येत असल्याचे दिसताच गाडी अडवून त्याला ताब्यात घेतले. काय आहे हे

हॅश ऑईल?

हॅश ऑईल हे चरसपासून तयार केलेला द्रव पदार्थ आहे. त्याचे थेंब सिगारेटवर टाकून ती सिगारेट ओढली जाते. हे हॅश ऑईल महाग असल्याने केवळ श्रीमंत व्यक्तीच त्याचे सेवन करतात. माताजी हा कुडचडे सारख्या भागात मुबलक प्रमाणात उपलब्ध करणारा मुख्य पेडलर होता, अशी माहिती प्राप्त झाली आहे.