हरमल, क्रीडा व युवा व्यवहार संचालनालयातर्फे घेण्यात आलेल्या पेडणे तालुका पातळीवरील सुब्रतो मुखर्जी फुटबॉल स्पर्धेत हरमल पंचक्रोशी उच्च माध्यमिक विद्यालयाने विजेतेपद पटकावले. अंतिम सामन्यात त्यांनी अवर लेडी ऑफ रोझरी हायस्कूलवर ३-२ फरकाने मात केली.

क्रीडा खात्याचे तालुका संयोजक अर्जुन गडेकर यांच्या मार्गदर्शनाखाली स्पर्धा मांद्रे पंचायत मैदानावर झाली.

मांद्रे येथील सप्तेश्वर उच्च माध्यमिक विद्यालयास तिसरा क्रमांक मिळाला. विजेत्या हरमल पंचक्रोशी उच्च माध्यमिक विद्यालयास शारीरिक शिक्षण शिक्षिका सुगंधा शिरोडकर व सावल देसाई यांचे मार्गदर्शन लाभले.

संस्थेचे अध्यक्ष लक्ष्मीकांत पार्सेकर, प्राचार्य शांभवी नाईक पार्सेकर, व्यवस्थापक स्मिता पार्सेकर, पालक शिक्षक संघाचे अध्यक्ष विनोद मेथर यांनी विजेत्या संघाचे अभिनंदन केले आहे.