Hadfade News : कळंगुट बार्देश तालुक्यातील हडफडे येथील श्रीचौरंगीनाथ भूमिका देवस्थानचा जत्रोत्सव रविवार, १० ते बुधवार, १३ डिसेंबरपर्यंत सुरू राहणार आहे. यानिमित्ताने विविध धार्मिक तसेच सांस्कृतिक कार्यक्रमांचे आयोजन करण्यात आले आहे.

त्यानिमित्ताने रविवारी रात्री ९ वा. ‘काका किशाचा’ हा विनोदी दोन अंकी नाटकाचा प्रयोग. सोमवारी सायंकाळी ७ वा. भजनाचा कार्यक्रम, रात्री ९ वा. ‘शेवंता जिती हाय’ या नाटकाचा प्रयोग. मंगळवारी दुपारपासून श्रीभूमिका मातेची मूर्ती पालखीत सजविण्यात येणार आहे.

त्यानंतर सुवासिनींकडून ओटी भरण्याचा कार्यक्रम, सायंकाळी ५ वा. भजनाचा कार्यक्रम, रात्री ९ वा. स्थानिक मान्यवरांचा गौरव सोहळा, रात्री १० वा. दीपस्तंभाची पूजा व दीपप्रज्वलन, रात्री ११ वा. बॅंडवादनासहित श्रीभूमिका मातेच्या पालखीची प्रदक्षिणा,

सोबत पोळ, गावकर, हडफडकर कुटुंबीयांच्या सुवासिनींकडून दिवजोत्सवाचा कार्यक्रम. त्यानंतर पिकुळी-दोडामार्ग (सिंधुदुर्ग) येथील दशावतारी मंडळाकडून ‘सौभाग्यदान’ या पौराणिक नाटकाचा प्रयोग होईल.