केपे: कुडचडे येथील गोळीबार प्रकरणी कुडचडे पोलिसांनी दि.12 रोजी जोरविस मोराईस यांना अटक करण्यात आली होती पण हल्ला करण्यासाठी वापरण्यात आलेली बंदूक सापडू शकली नव्हती पण काल दि.15 रोजी कुडचडे पोलिसांनी सिंगल बोर बंदूक जप्त केली असल्याचे सांगितले आहे.

(Finally, the gun used in Kudchde's murder was found)

कुडचडे पोलिसांनी आज मोराईस याला परत एकदा केपे न्यायालयापुढे हजर केले असता मोराईस याला आणखी तीन दिवसांची पोलीस कोठडी सुनावण्यात आली आहे. कुडचडे पोलिसांनी सात दिवसांची कोठडी मागितली होती पण न्यायालयाने तीन दिवसांची पोलीस कोठडी सुनावली आहे.पोलिसांनी तप्त केलेली बंदूक फॉरेन्सिक प्रयोगशाळेत पाठवणार असल्याचे पोलिसांनी सांगितले आहे.

दि.31 रोजी मध्यरात्री बाणसाय येथे जुवारी नदीच्या फाट्यात बेकायदेशीर रेती घेऊन येताना तीन मजुरांवर बंदुकीने गोळीबार करण्यात आला होता यात एका मजुराचा जागीच मृत्यू झाला होता तर एक गंभीर जखमी झाला होता. बेकायदेशीर रेती व्यवसायातून हा हल्ला झाल्याचे बोलले जात असून पोलीस पुढील तपास करीत आहेत.