डिचोली: कोविड महामारीमुळे (Covid 19) राज्याच्या आर्थिक व्यवस्थेसह विकास प्रक्रियेवरही परिणाम झालेला आहे. राज्याची आर्थिक घडी जाग्यावर येण्यासाठी खाण व्यवसाय सुरु होणे आवश्यक आहे, असे मत मयेचे आमदार प्रवीण झांट्ये यांनी डिचोली येथे बोलताना व्यक्त केले.

वाहतूक पोलिस (police) खात्यातील सहायक पोलिस उपनिरीक्षक पुतुलो गाड यांचा उत्कृष्ट सेवेबद्दल प्रमुख पाहुणे झांट्ये यांच्या हस्ते सत्कार करण्यात आला. उपजिल्हाधिकारी वायंगणकर यांनी आपले विचार मांडले. सरकारी हायस्कुलच्या विद्यार्थ्यांनी (Student) देशभक्तीपर गीत सादर केले. निवृत्त अधिकारी परब आणि ज्येष्ठ नागरिक प्रकाश शिरोडकर यांनी कविता सादर केल्या.

साठाव्या गोवा मुक्तीदिनानिमित्त शासकीय पातळीवरील सोहळ्यात झांट्ये प्रमुख पाहुणे या नात्याने बोलत होते. याप्रसंगी डिचोलीचे उपजिल्हाधिकारी दीपक वायंगणकर, मामलेदार लक्ष्मीकांत कुट्टीकर, संयुक्त मामलेदार श्रीपाद माजिक, गट विकास अधिकारी श्रीकांत पेडणेकर आणि सार्वजनिक बांधकाम खात्याचे अभियंते सीताराम नाईक उपस्थित होते. तत्पूर्वी आमदार झांट्ये यांनी ध्वजारोहण केल्यानंतर पोलिस आणि अग्निशमक दलाच्या (Fire brigade) जवानांकडून मानवंदना स्वीकारली. सूत्रसंचालन अजित परब यांनी केले.