Government ignores 'Mopa' victims Dainik Gomantak
गोवा

‘मोपा’ पीडितांकडे सरकारचे दुर्लक्ष

शेतकऱ्यांची खंत: जमिनी गमावलेल्यांच्या नुकसान भरपाईप्रश्‍नी तोडगा काढावा

दैनिक गोमन्तक

मोरजी: मोपा आंतरराष्ट्रीय विमानतळावर जाण्यासाठी धारगळ-सुकेकुरण ते मोपा विमानतळ पर्यंतचा साडे सहा किलोमीटर लांबीचा उड्डाणपूल वजा लिंक रोडचे काम सध्या युद्धपातळीवर सुरू आहे. मात्र, ज्या शेतकऱ्यांच्या जमिनी, शेती, बागायती या विमानतळ प्रकल्पासाठी संपादित झालेल्या आहेत, त्यांच्याकडे सरकारने कानाडोळा केल्याची खंत प्रकल्प पीडितांकडून व्यक्त होत आहे.

लिंक रोडसाठी संबंधित कंपनीने पर्यावरण दाखला न घेतल्याचा दावा करून पीडित शेतकऱ्यांनी हरित लवादाकडे याचिका दाखल केली आहे. शेतकऱ्यांच्या याचिकेवर आता सुनावणी 14 जून रोजी होणार आहे. या याचिकेचा निकाल काहीही लागला तरीही शेतकऱ्यांच्या समस्यांचे आणि व्यथांचे सरकारला सोयरसुतक नसल्याची टीका पीडित शेतकऱ्यांतून व्यक्त होत आहे.

पीडित शेतकरी रमाकांत तुळसकर म्हणाले,की गेले वर्षभर येथील शेतकरी जनआंदोलन आणि कायदेशीर लढाईद्वारे लढत आहेत. मुख्यमंत्री डॉ.प्रमोद सावंत यांनी तसेच स्थानिक लोकप्रतिनिधी प्रवीण आर्लेकर यांनी शेतकऱ्यांची भेट का घेतलेली नाही,असा सवाल लोक करत आहेत. सरकारने तातडीने भरपाईच्या प्रश्‍नी तोडगा काढण्यासाठी शेतकऱ्यांची बैठक घ्यावी.

मोपा लिंक रोडसाठी हजारो झाडे कापण्यात आली. तर बहुतांश झाडे बुलडोझरने मुळासकट उखडून टाकली. पर्यावरणाची मोठी हानी झाल्याचेही दिसून येते. ‘मोपा’वरून पहिले उड्डाण 15 ऑगस्ट रोजी होणार असून त्यासाठी लिंक रोडचे काम युद्धपातळीवर सुरू असले तरी अशोका बिल्डर कंपनीने हा रस्ता 18 महिन्यात बनवावा, असा करार आहे. तरीही तो कंपनी बारा महिन्यात पूर्ण करेल, असा विश्वास कंपनीचे काही पर्यवेक्षक व्यक्त करतात.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

मनोज परबांच्या कार्यकर्त्यावर मंत्री नीलकंठ हळर्णकर धावून गेले; कोलवाळमध्ये आरजी आणि भाजप समर्थक आमने-सामने Watch Video

Harus Rauf Controversy: रौफला '6-0' आणि 'प्लेन क्रॅश'ची नक्कल भोवली! फायनलआधी 'ICC'नं केली कारवाई, भारताशी पंगा घेणं पडलं भारी

नवरात्र, वाघ, हिंदू आणि अभयारण्य! गोव्यात व्हिडिओवरुन वाद; सामाजिक कार्यकर्त्याला धमकी देणाऱ्या भाजप नेत्यावर अखेर गुन्हा

सा जुझे दी आरियाल पुन्हा चर्चेत; पंचायत समोरील संत जोसेफ यांच्या पुतळ्याची विटंबना करुन चोरी

'पाठीत खंजीर खुपसला पण काँग्रेससोबत एकत्र लढण्यास तयार'; आप नेते पालेकरांचे काँग्रेस नेत्यांना चर्चेचे आवाहन

SCROLL FOR NEXT