पिसुर्ले : गोव्यातील होंडा पंचायत क्षेत्रात येणाऱ्या भुईपाल येथिल एका ओहळावरील साकवा खाली अडकून राहिलेला कचरा साफ (Garbage clean) केल्याने आता पाण्याचा निचरा योग्य पद्धतीने होत आहे.

भुईपाल प्रभागातील भेडशेवाड्यावर जाणाऱ्या एका साकव वजा पुलाच्या खाली बऱ्याच दिवसांपासून कचरा अडकून पाण्याचा निचरा होत नसल्याने, तेथे पाऊस पडल्यास पुर दृश्य स्थिती निर्माण होत असल्याची बातमी आज दि 2 रोजी दैनिक गोमंतक मधून छाया चित्रासह प्रसिद्ध झाली होती.

सदर वृत्ताची दखल स्थानिक पंच सया पावणे यांनी घेऊन पंचायतीच्या सहकार्याने, सदर कचरा हटवून पाण्याला वाट मोकळी करून दिली आहे. यामुळे नागरिकांनी पंचांच्या कार्याची स्तुती करून समाधान व्यक्त केले आहे.